塔門之旅　以及　塔門介紹－chakhung的部落格

「TAP MUN 塔門」　2016~06~26to27

　　２６日，是我們約了很久的露營大日子。我們今次選擇了在香港以東的一個漁民小島「塔門」。其實，我們計劃本來是7人一起去的。但很不幸有一位朋友有事而不能一齊享受此 Jonrney 。真是可惜呢！！ (￣▽￣)~*

　　第一天，早上11：00，我們6人的露營團相約了到聯和墟街市吃「早午餐」。然後到街市和超市買所需要的食材與其他物資，大約１３：００，我們完成了第一個任務「購物」了。完成任務的時間相距我們要乘的船之開出時間15：00。還有兩個小時呢，所以我們可以輕輕鬆鬆地到碼頭了！

　　購買完物資後，我們由聯和墟乘52A小巴到粉嶺火車站，然後再轉乘火車到大學站，最後步行到馬料水碼頭。預計所有需時大約一小時。在火車上，我們很像內地的水貨害一樣一袋二袋，阻塞了部份的通道，真是在此也感到不好意思呢！

　　14：15到了馬料水碼頭，一放入眼裡的是人。有釣魚的人，有等船的人，有在清理垃圾的人。在碼頭的右邊停靠了一艘兩層高的白色渡輪，左邊則坐著很多在釣魚的人。天氣炎熱，汗都似洗澡時一樣的水流下來了！等了大約３０分鐘，終於上到船了，一上到船，船上的冷氣令我大嘆一聲「這個才是世界呀！」

　　船１５：００開出，聽船員說，我們會首先經過深涌和荔枝莊，１６：２０才會到達塔門，一聽我嘩了一聲，船程要一個多鐘，在船上有什麼可以做的………想了很久，我站在船的第二層甲板上，吹著海風想啊想。最後我選擇小睡一會！！

終於到了塔門了，這是我第三次來到這地方了，前兩次的塔門 Jonrney 都是跟著［Outward Bound 外展訓練學校］划著獨木舟來的，而今次是第一次搭船來。真是不同的感受。我們一到了碼頭的第一眼就是這個「Tap Mun Pier Public Toilet 塔門碼頭公廁」。

╠═以下會以廣東話口吻即粵語語法撰寫 ═╣

公廁旁邊嘅「TAP MUN MAP 塔門地圖」。公廁嘅右邊係「Tap Mun New Fishermen's Village 塔門漁民新村」，左邊應是「榕樹村」、「下圍」、「中圍」、「上圍」。村裡有「天后廟」、「新漢記海鮮酒家」和「新惠和餐廳」等。

上山嘅路有兩條，一條係沿公廁左邊｛即北邊｝嘅海岸線行，再經下圍、中圍同上圍上山［時間較短］。一條係沿公廁右邊｛即南邊｝去塔門漁民新村再上山［時間較長］。我們當然走的是比較易上山頂的左邊啦！

沿住「TAP MUN HOI PONG STREET 塔門海傍街」走，會見到「TAP MUN S/B GENERATIR RM 塔門後備發電機房」，

亦會會見到「NEW HON KEE SEAFOOD RESTAURANT 新漢記海鮮酒家」同「新惠和餐廳」

再一直行就係「新惠和餐廳」

再沿住海傍街一直行，竟然見到一間好靚好靚嘅屋。

同一間新起嘅洋房。

到咗「下圍」，有一個好大嘅廣場，仲有個碼頭仔。還記得第一次黎塔門嗰時，就係系Ｅ度上岸嘅。擺哂Ｄ艇系鐵欄杆嗰邊。跟住就上山頂紮營。而又要落番黎煮飯。來回都真係…… Σ( ￣□￣；) 　

廣場嘅右手邊有條紅紅嘅路（唔係紅地毯），係通上山頂嘅其中一條路。

大家大可以跟住指示牌（Balanced Rock 疊石方向）、地上標記同燈柱紅色箭嘴標記黎向著山頂進發！

或者沿住石屎路嘅興建方向都得。

⇩ ⇩ ⇩ 此圖片山頂方向為直行（STRAIGHT ⇑ ）⇩ ⇩ ⇩ 　　

途中會見到「Tap Mun Police Post 塔門警崗」

沿住塔門警崗的東方（EAST），或者面向紅色毯嘅左手邊（LEFT ⇐ ）。就係上山頂嘅路啦！

⇩ ⇩ ⇩ 此圖片山頂方向為右行（RIGHT ⇒ ） ⇩ ⇩ ⇩ 　

就到山頂會見到一個PCCW機樓。如果露營嘅朋友驚太大風而起唔到火，或缺乏營釘又大風嘅話，可以系機房則邊紮營。但夏天會缺風同冇180度海景睇。我本人就寧願有景睇系山邊紮喇！

╠═ 上到山頂 ═╣

再行上去就到山頂喇。會見到有個「Tap Mun Playground 塔門遊樂場」，遊樂場係一個康文處其中一個戶外免費七人足球場，遊樂場有前後兩對門，有一對為防止野牛走入，安裝咗鐵欄。除此之外大家亦要緊記出入都要關好門先走呀！另外，遊樂場兼任直升機升降坪。有需要時，直昇機可以系E度進行升降。

球場隔離有個避雨亨。如果驚落雨或者行雷，可以系亨附近紮營。

我們上到山頂後就搵咗個比較遠離避雨亨嘅位置黎紮營。過咗冇幾耐，就見到兩個內地男人都同我地一樣黎紮營，過幾分鐘佢地已經系我地對上少少位置，將佢地兩個營紮起咗，兩個內地男人明顯係老手！！

系我地紮完營，安頓好Ｄ雜物後。竟然有兩個女仔問我地可唔可以幫佢地手。於是我地裡面最熟手紮營嘅人（仁兄）過咗去幫佢地。系我想掃瞄下女仔幾大同咩樣嘅時候，佢地已經比咗個背影我睇啦！！ m(_ _)m
過咗

５分鐘

１０分鐘

１５分鐘

。。。。

大約２５分鐘到，我地都仲未見到（仁兄）嘅回來，出於好奇心我就唸：「不如過去涼亭（女仔紮營嘅地方）睇下有咩幫手都好喎！」跟住咁啱有位朋友叫我，「不如你過去睇睇啦！」。我：「正合我心意！」「話哂，我係隊伍中第二識紮營嘅小伙子。」咁我就過咗去幫手喇！

╠═ 藝術品出現 ═╣

一去到望一望，其實已經知道咩事，有兩支營骨撐起左，加上一個兩人嘅蒙古包式帳幕。但明顯營骨同帳幕唔成比例，營骨係4人營格式，而帳幕係2人營格式。點搭？
我唔算紮營新手，但又唔係老手，只係對紮營少少認識嘅我。就問｛仁兄｝「做咩事？你唸住點起？」不久｛仁兄｝就唸到方法黎起到依個營啦！同埋系起緊嘅期間得知，原來頭先佢地三個只係不斷打電話比租營嘅人求個營個解釋。但租營嘅店舖係不負責任的，只叫佢地強制嘗試，但如果有損壞係要賠的。。。。荒謬。。。咩鋪頭來的。（大家租營要搵有信譽嘅鋪頭同要check好個camp係咪用到！）

過咗一陣，我地兩男兩女合作製成嘅「藝術品」終於出現喇。冇錯，依個唔係營，係「藝術品」。

系少少嘅傾談中，得知女仔們原來冇咩帶食物，仲冇帶Chookset黎煮野食天。此時，我唸起上次去（Hok Tau 鶴藪營地）冇晚餐食時，有一班台灣人比咗極大量嘅熟食比我地食（至少6人份量），仲講「唔夠可以再拎」。系差不多情況下，我就同佢地講「我地一陣打邊爐，不如一齊吖，食物有多喎。」當然，正常人都會拒絕，所以佢地都冇明確答覆。跟住我同「仁兄」就咁走咗喇。

過咗一陣，因為女仔離開咗個營，而個營受到野牛嘅attack，個營穿咗幾個洞。我地嘅仁兄又要行動了！

╠═ 野牛對峙 ═╣
塔門好多野牛，至少有30隻以上系平原到活躍，香港不准胡亂殺生，野牛一般情況下沒有攻擊性，而我們也為了趕走牠們遠離我地嘅食物同營花了不少功夫。

有效驅趕野牛方法有物理性攻擊，即拍打野牛的背部、在野牛後面叫及手執柱狀物體揮舞或打地同時加上大力走近野牛身邊。即恐嚇野牛。或者以居民所說用物件潑走野牛。以上方法有機會不能對公牛有效。

野牛雜食性，要預防野牛，不要將食物，或有氣味的東西放在身邊或低處，不要亂丟垃圾，以及意圖作有較大傷害之攻擊行為。
地上好多野牛嘅地雷

在此說明方法只適用於緊急情況下使用，切勿傷害、威嚇、主動對野牛進行滋擾性行為。野牛是當地的「原住民」，我們才是外來者。敬請好好保護野生動物，並珍惜生命。

╠═ 晚上 ═╣

我地男仔２０：３０到開飯，食咗Ｄ丸同菜，女仔由涼亭行緊過黎我地個邊，我心唸：「唔洗怕羞，過黎食啦！」點知原來佢地個營又比野牛Attack…\

我地嘅（仁兄）又再次出動啦！今之我就冇跟去。而過咗１０分鐘到，有三支電筒嘅光照緊行緊過黎。原來佢地搬緊個營過黎我地附近。

今次損毀再勁Ｄ，一支營骨彎咗。而兄弟們亦等緊（仁兄）先食嘅同時，我過咗去睇吓咩事。點知（仁兄）三兩下手勢又完成了！！真係讚！！

搞完個營，我地就叫埋女仔們一齊過去開飯啦！系等緊再次開飯嘅時候，有一位短髮女生走了過去近海邊的位置與我一位朋友聊天，當我望到依個時刻我笑笑說著「嘩！一男一女對著無敵海景，一個黑黑的晚上加上一顆明亮的月亮和很美很美的星星，聽住海浪聲，在一個草地上放鬆地聊天，多麼美麗浪漫啊！！」當我說完，我真係好想問企系我隔離嘅另一長髮女生：「男仔同朋友你揀邊個！」當然我冇咁問到。

我地嘅打邊爐再次開動，過程中我地同女仔們都還算有講有笑嘅。話咁快食下食下就到咗大約２３：００了。我地食咗D烏冬、豬肉、牛柳……我都已經飽了。但不知點解有D朋友冇胃口食飯，我就有預感，出事了！

食多一障，我地完成食野依個任務，我地開始執拾垃圾同收執物品。此時，短髮女仔就問｛仁兄｝有咩幫手，而｛仁兄｝就比咗拾垃圾嘅任務佢。而短髮女仔亦都照做。從此，我認為依個女仔應該唔差得去邊嘅！！

╠═ 兩人行 ═╣

而有趣嘅事情亦系依個時候發生，長髮女仔想有人陪佢去廁所，而我望望個錶，２３：３０都未到，對我黎講仲好早，所以我就應承陪佢去，順便洗埋少少碗，都算一舉兩得呀！

大約２３：３５我地兩個出發去廁所了。系行嘅途中我地見到好多牛……屎（真係要小心，唔係中硬）同好多牛訓緊教（牛系繁殖、進食、餵養、訓教昤都唔好滋擾佢地）。所以我地行嘅路線係冇英文字母可以表示到嘅線條。

以我認識，加上到個時都未去過「Tap Mun Pier Public Toilet 塔門碼頭公廁」，因為睇樣應該係污漕過我去開嘅「Tap Mun Ha Wai Public Toilet 塔門下圍公廁」，所以我帶咗佢去左下圍公廁。行下講下，又估唔到我同個長髮女仔都幾好傾架喎！冇幾耐我地就到左下圍公廁啦！

⇩ ⇩ ⇩ 此圖片非當時拍攝 ⇩ ⇩ ⇩ 　

男右女左就咁分開咗我地啦！！我洗我嘅碗，佢有佢去廁所。過咗一陣，洗緊碗嘅我，見到突然有個身影系我後面，原來係佢。一個女仔入男廁，雖然好似好奇怪，但在我而言，如果入面冇人如廁緊，又冇做一D唔應該做嘅事，入下去咪當參觀下，冇咩問題的。況且我自己都系以前去camp嘅時候都入過女廁幫女仔手。其實只係多個尿兜同少個尿兜嘅分別，唔洗太介意嘅。

佢同我講：女廁個邊係踎廁，話不如去番碼頭個公廁。
我指住我旁邊嘅廁所講：個度都幾遠架坡，依到有坐廁喎，不如你試下！
佢就望一望就入左去了。
但不過３０秒，佢就出番黎了。佢話：依到好多蚊呀！都係算啦！
所以我地就去碼頭公廁了。

系行嘅同時我留意到村到同之前船員講嘅一樣，好少人，仍然住系度嘅大部分都係Ｄ老一輩嘅老人家。其他後生都走哂了。所以我地一路行都聽到村裡格外安靜。比起市區，一間車都已經可以好嘈，而Ｅ到只係聽到海浪聲姐。

不久我地就走到左碼頭公廁。原來間公廁真係靚好多同大D架！！算我無知……我系男廁，洗洗野，抹抹身。當我完成後，我就唸住出番去等佢。點知，佢原來已經系門口等緊我了。我心唸：女仔竟然咁快去完廁所嘅！

我地就咁行番去了，女仔帶左我行一條我未行過嘅路，上天后廟跟住向左行上番山｛第三上山方法｝。從此我先知道原來可以咁行架…依條路仲係要快Ｄ嘅天，當時我覺得點解我可以咁豬嘅。。

系我地行番去山頂途中。００：００了，我嘅手錶嚮起提示，意味住我要做一件事了。我趁住依個機會問問長髮女仔關於＜１２點的承諾＞嘅睇法。佢答我：「點解你要咁做？比著我係個女仔，如果對方重要嘅當然嬲啦，如果唔重要就廢事理你啦！」跟住我俏微比咗個女仔睇我同一個女仔嘅對話內容。我問佢：「你會唔會覺得佢好Ｈｅａ覆我呀？」佢話：「佢都幾Ｈｅａ下喎！」當聽完依句，我彷彿明白了什麼似的……我即時嘆了一口氣。唉！

到了上番山頂，原來我地已經去左至少半個鐘以上，山頂上的人原來在擔心我們。不斷話，搞咩咁耐呀！！

╠═ 早上 ═╣

塔門雖然面海，但近幾日都極之熱，又至少有一星期都冇落過雨，令到營裡面嘅溫度好熱，無法令人訓著，我地男仔訓左一陣都逐個決定選擇不睡，女仔個邊應該都訓得唔太好。而另外系凌晨亦有朋友提出將三日兩夜變為第二日即朝早搭船離島。加上明顯有朋友出現熱衰竭嘅情況，有脫水嘅情況，經過相討，我地男仔決定搭１１：００嘅船離島。而女仔亦都係預計左今日搭０９：４５嘅船離島。

系大約０８：００我地執完大部份嘅物品後，幫助埋女仔收營後。我地男仔同女仔講再見後就到左樓下村入面搵野食啦！

╠═ 食早餐 ═╣

我地黎到間叫新惠和嘅餐廳，老闆娘話左Ｄ開船時間比我地知，又極力推介豆腐花比我地試，我本身又鐘意食豆腐花，所以叫左一碗試試。老闆娘由雪櫃拎出凍凍嘅豆腐花比我，仲問我要唔要姜，我怕太過有味，所以拒絕了。但老闆娘再話姜糖好好味架。佢二話不說就比左個一湯匙嘅姜糖比我試啦！不果，D姜汁係幾好味，飲得出系落左功夫上去，姜汁濃度比市區街上或豆腐花廠的睫然不同。但我唔太鐘意太大陣味，所以都只係叫老闆娘比我少少好了。

系我地進食中，比老闆娘聽到我地有好多食物剩番，佢就過黎話：「有Ｄ咩剩架，我幫你煮哂佢比你地食呀！Ｄ食物番到去都壞啦！」我即時感到人間溫暖，同老闆娘嘅人情味！！

而我亦叫左支無冰凍奶茶，我一向都飲慣多奶，當我朋友講奶茶好有茶味，我就大聲咁講：「多奶吖我要！」，講完我跟住就飲第一口奶茶，果然好有茶味，但已經好好好好好好好好飲，對於鐘意多奶嘅我，都已經唔洗再加奶啦！真係我咁大個仔飲過最好飲嘅奶茶，但已經太遲了，老闆娘已經拎緊花奶過黎想幫我倒奶了。咁好嘅服務態度邊到搵？？

我地食飽飽，老闆娘仲比我地系餐廳到放抵行裝，仲比我地系度訓幾個鐘，試問，除左Ｍ記邊間餐廳係比你訓教架？仲有冷氣天！

系依幾個鐘，雖然眼訓，但我唔想留個遺憾比自己，所以自己走左去漁民新村個邊睇下。順便將垃圾丟到近碼頭的垃圾桶。方便收集。

途中同左一D村民傾過計。D村民都好Nice。從此，我覺得如果住依到其實都好幸福吖！！